Paris Saint Germain triumfoi 2-1 ndaj Cheslea-t në sfidën e parë të fazës së 1/8-ve të Championsit, gjithsesi cështja e kualifikimit do të vendoset në sfidën e kthimit që do të luhet në Stamford Bridge.
Parisi e nisi vrullshëm ndeshjen duke i mbyllur “Blutë e Londrës” në gjysmëfushën e tyre, gjithsesi rasti i parë i pastër u shënua në portën e Trapp, i cili ishte me fat në minutën e 23-të, teksa devijimi i tij pas goditjes me kokë të Diego Costas e drejtoi topin drejt traversës.
10 minuta më pas Zllatan Ibrahimovic nuk e shënjstron si duhet portën me kokë, ndërsa në të 39-ën topi i goditur prej tij u devijua nga muri duke nxjerrë jashtë loje Courtois, me Parc De Princ që shpërtheu nga entuziazmi i tifozëve vendas.
Atëherë kur pritej vërshëllima e gjyqtarit për përfundimin e pjesës së parë, Obi Mikel, i gjendur në kohën dhe vendin e duhur në zhvillimet e një goditjeje këndi barazoi shifrat në 1-1
Në pjesën e dytë Paris Saint Germain bëri gjithcka për ta fituar ndeshjen nderisa në minutën e 78-të, Edinson Cavani i asistuar nga Angel Di Maria e dërgoi topin poshtë këmbëve të Courtois për golin e 2-1.
Në seokondat e para të kohës shtesë një ndërhyrje vendimtare e Courtois i mohon golin e dytë suedezit Ibrahimovic, ndërsa tentativa e Pedros pak caste më pas përfundoi jashtë.
Në sfidën tjetër të mbrëmjes Benfica mposhti më shumë vështirësi Zenitin e Shën Petërsburgut, që mundi të rezistonte madje me një lojtar më pak deri në minutën e parë shtesë, por pikërisht pas përfundimit të kohës së rregullt Jonas bëri të shpërthente “Da Luz”./ss/
