Ish- sekretari i Qendrës së Vetëvendosjes në Viti, Arton Musliu, ka thënë se anëtarët e kësaj partie që vijnë nga Shqipëria “importojnë” mendësinë diktatoriale dhe komuniste.
Musliu, që ka qenë edhe kandidat për deputetë nga VV-ja, në një status në Facebook ka shkruar se Boiken Abazi qëndron në Kosovë për një pagë të majme, përndryshe, sipas tij, do të tretej nga ka ardhur.
Musliu kishte hequr dorë nga VV-ja më 2012, duke konsideruar se është parti që nuk ka demokraci.
Ky është shkrimi i plotë i Musliut në Facebook:
Komesari dhe Koordinatorja
Te dashur miq, po i ndaj me ju dy kujtime te hidhura qe i kam pas me “importin intelektual” nga Shqipria
Boiken Abazin e njoh per se afermi. Ai ka ardhe ne Levizjen Vetevendosje, bashke me Hysamedin Ferajn, Arber Zaimin, Elvis Hoxhen dhe Dejona Mihajlin, kishe menja per me plotesu dimenzionin intelektual te VV-se! Me Boikenin edhe Dejonen kam “kujtime” te hidhura por edhe interesante.
Boikeni ka qene, edhe tani eshte, Komesar politik i cili ka implementu politikat diktatoriale te VV-se, rrespektivisht Albinit.
Boikeni ne vitin 2011, ne nje nga kafeterite e Vitise, me ka “premtu” se do te jem Kryetar i Qendres se VV-se ne Viti pas tre vitesh, meqenese ne zgjedhjet e brendshme qe po mbaheshin atebote une nuk do te lejohesha te kandidoj per nje pozite te tille! Ky ishte urdheri te cilin shqiptari nga Shqiperia ma kumtoi.
E Dejona ne zgjedhjet parlamentare te vitit 2010 ishte emeru si koordinatore per mbajtjen e tubimeve zgjedhore, per rrjedhoje te gjithe kandidatet per deputet qe do te flisnin, fjalimet e tyre paraprakisht duhej te kontrolloheshin nga ajo. E mbaj mend qe edhe une i’a pata dergu fjalimin tim qe do ta mbaja ne permbyllje te fushates zgjedhore.
Me pastaj, ma kishte kthyer te masakruar ate fjalim, duke e deformuar ne aspektin struktural e ideologjik.
Komesari dhe Koordinatorja qendrojne ne Kosove duke i’u falenderu pages se majme qe marrin nga VV, rrespektivisht nga buxheti i qytetareve te Republikes se Kosoves. Perndryshe ata moti do te ishin “tretur” andej ka kan ardhe.
Per fund, ata e kan veç nje te mire, prejardhjen.
