Kryetarja e Parlamentit serb, Ana Bërnabiq, tha sot gjatë vizitës së saj në Holandë se tema e të gjitha bisedimeve që pati në Hagë ishte se si mosvendosja e sanksioneve kundër Rusisë dhe shkuarja e Presidentit të Serbisë Aleksandar Vuçiq në Moskë ndikon në rrugën evropiane të Serbisë, por se ajo u dha një shpjegim bashkëbiseduesve dhe i bëri thirrje Holandës që të mbështesë hapjen e grupit 3, raporton Tanjug, transmeton Klan Kosova.

Bërnabiq u tha gazetarëve në Hagë se ishte e kënaqur që ndodhej në Holandë dhe që ishte në gjendje të diskutonte këto tema dhe shtoi se u përcolli bashkëbiseduesve të saj mesazhin se Serbia është krenare për aktivitetet, presidentin dhe sovranitetin e saj.

“Unë shpjegova se presidenti shkoi të përulej para hijeve të heronjve të rënë për lirinë tonë. Nuk shoh që kjo mund dhe duhet të ndikojë në rrugën tonë evropiane”, tha mes tjerash Bërnabiq.

Gazeta online “InfoSot” shpall konkurs për gazetar/e dhe kameraman/e

Artikull i sponzorizuar