Bashkimi Evropian do të ndajë 350 mijë euro për të mundësuar testet e ADN-së, për rastet e gjetura gjatë vitit 2014. Ky është zotimi i shefit të zyrës se Bashkimit Evropian në Kosovë, Samul Zhbogar.
Sipas tij, BE do të vazhdojë të sigurojë mbështetje politike dhe financiare për këtë proces.
“Bashkimi Evropian qëndron i bashkuar në kujtim së bashku me familjet e viktimave të zhdukura gjatë mizorive të kryera në Kosovë më 1999. Zbulimi i së vërtetës në mënyrë që t’u mundësohet familjeve të viktimave të mbajnë zi për të dashurit e tyre mbetet një detyrë urgjente dhe bashkë me gjetjen e përgjegjësve për krimet dhe ndjekjes së tyre në mënyrë që të sillen para drejtësisë, është parakusht për pajtim midis komuniteteve”, ka thënë Zhbogar
Shefi i zyrës se Bashkimit Evropian në Kosovë, vlerëson se 27 prilli si ditë e Personave të Pagjetur duhet të shërbejë si shtysë për institucionet përgjegjëse për ta shpejtuar këtë proces, raporton tribuna.
Në këtë ditë, BE-ja u bën thirrje autoriteteve në Prishtinë dhe Beograd për ta rritur angazhimin politik të qeverive të tyre dhe mbështetjen për informacionet e reja lidhur me fatin dhe vendndodhjen e personave të pagjetur dhe lokacioneve të reja të varreza.
