Telashet nuk kanë fund të Bayern Munchen. Vetëm dhjetë ditë pas zënkës mes trajnerit Guardiola dhe Thomas Mullerit, stërvitjen e së mërkurës Robert Lewandowski dhe Jerome Boateng patën një debat që, po të mos ishte për ndërhyrjen e shokëve të skuadrës, do të shpërthente në dhunë.
Boateng u nervozua pas një ndërhyrje të Lewandowskit dhe nxitoi drejt sulmuesit polak. Kapiteni Philipp Lahm, bashkë me Mehdi Benatian dhe Rafinhan hynë në mes për të shmangur një kontakt fizik mes lojtarëve.
Ndërkohë, Guardiola që nuk dukej shumë i befasuar nga ajo që ndodhi, vendosi të largojë dy lojtarët nga stërvitja. Bayern është duke u përgatitur për ndeshjen e fundit në kampionat, që luhet më 23 maj në “Allianz Arena” kundër Mainz-it.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
