Deputeti i Lidhjes Demokratike të Kosovës, Bardhyl Meta, i pyetur nga Gazeta Blic, e ka komentuar deklaratën e deputetit të PDK-së, Rrustem Mustafës- Remi, i cili ka theksuar se kryeministri duhet t’i takoj PDK-së e jo LDK-së. Meta në një deklaratë të dhënë për Gazetën Blic ka theksuar se këto hamendësime të Remit, janë thjeshtë ide dhe qasje joserioze.
Përkundër asaj që Remi kishte parashikuar koalicionin e madh, PDK- LDK, Meta thekson se deri më tani nuk ka pasur një kërkesë të tillë zyrtare, që PDK ta ketë kryeministrin.
Lexojeni të plotë deklaratën e Bardhyl Metës të dhënë për Gazetën Blic:
E para, nuk ka asnjë kërkesë të tillë në drejtim të LDK-së, as zyrtare, e as jo zyrtare! E dyta, s’besojë as që do ketë një kërkesë të tillë, prapë as zyrtare as jo zyrtare – dhe se besojë, jo ngase jam naiv, por thjeshtë ngase dihet se diçka e tillë, do të ishte kërkesë e parealizueshme dhe e pa pranueshme! Biles, po i ngjanë, si veza-vesë, sikur të ishte kërkesë e opozitës! Sidoqoftë, me qenë se si çështje, është shtruar publikisht, nga një Deputet i Partisë Demokratike të Kosovës, respektivisht nga z. Rrustem Mustafa, atëherë, mendojë se meriton trajtim, dhe po i them edhe dy fjalë në vazhdim të asaj që thashë më lartë:
Kur kemi parasysh vet përmbajtjen e marrëveshjes së koalicionit PDK-LDK – qoftë rreth postit të Kryeministrit, apo qoftë tutje në ndarjen e përgjegjësive si dhe dikastereve, sikur edhe kur kemi parasysh, historikun e arritjes së asaj marrëveshjeje të koalicionit, pjesëmarrësit e involvuar për ndërtimin e këtij koalicioni, sikur edhe kontekstin kohor dhe të rrethanave, që kushtëzuan ngjizjen e koalicionit, atëherë, besojë se e dinë edhe vet autori i hamendjeve në fjalë – se ajo çfarë po shtjellon dhe hamendëson ai – pra kolegu Rrustem Mustafa, është thjesht një ide dhe qasje jo serioze, kundruall objektivave, dhe aq më shumë, kundruall sfidave ekonomike dhe politike që ka vendi ynë…
