Disa orë mbas deklaratës për shtyp të zadhanësit të MPB, në nji reagim të radhës Ivo Kotevski pranoi se stacioni i policisë në Gushincë asht nën kontroll të plotë të policisë. Veç kësaj edhe rajoni i Komunës së Likovës vazhdon me qaene nën kontrollin e madh policor.
Por, pamvarësisht prej pranisë së policisë dhe njisiteve të shumta, banorëve nuk ju ka tërheq vemendjen nji gja e tillë. Ata thonë se pmbrapa kësaj qëndron ndonji skenar politik.
“Ky asht mashtrim i Gruevskit, kishe Zaevi po e ban tollovinë. Zaevi asgja nuk asht tue ba. Nuk ka panik, asgja nuk ka”, thotë nji banor.
“Nuk di asgja. Isha në rrugicë kur i pashë, ata vazhdonin rrugën”, thotë nji tjetër. “Nuk dimë asgja. Nuk e dimë as për çka po bahet fjalë. Sot, sa kemi dalë…Na nuk kemi droe, sepse e dimë se kjo asht propagandë e shtetit, nuk frigohemi aspak. E dimë se ka prapavijë. Kjo bahet për me i hupe dikush gabimet e veta që i ka ba. Nji njëri kur gabon, mundohet me propagandë me mshef gabimin e vetë”, thotë banori.
Rruga deri te fshati në të cilin ndodheshin forcat policore, ishte e bllokueme nga forcat e rendit. Policia nuk lejon ekipin e televizionit Alsat M me shkue në fshatin Gushincë të Komunës së Likovës, atje ku para disa orëve u sulmue stacioni policor.
Mbi territorin e Komunës gjatë gjithë kohës monitoronte nji helikopter, ndërsa kohë mbas kohe shtoheshin forcat policore. Kordoni i vendosun te penda e epërme, ndalonte veturat për me vazhdu rrugën drejt fshatit Gushnicë për shkaqe sigurie, ndërsa banorët ndaloheshin për identifikim. Si duket, cenim sigurie nuk kishte për banorët dhe disa media të cilat u lejuen me hy deri në fshat. /infosot/
