Zëvendëskryesuesi në Kuvendin Komunal të Mitrovicës Veriore, Emir Azemi ka reaguar ndaj ngjarjeve të fundit në pjesën veriore të vendit, me çrast shqiptarët në këtë pjesë të vendit po pengohen gjatë ndërtimin e shtëpive të tyre.
Azemi poashtu ka akuzuar kryetarin e Mitrovës Veriore, Goran Rakiq për dëmtim të raporteve ndëretnike.
Lexoni reagimin e plot të Azemit:
Ngjarjet që po ndodhin në Kroin e Vitakut janë vazhdimësi e politikës së spastrimit etnik dhe pengimit të shqiptarëve që të kthehen në shtëpitë e tyre shekullore. Kjo politikë e përfaqësuesve lokal në krye me kryetarin Goran Rakiq dhe nënkryetarin e tij Spiriq, i cili është edhe kryetar i Komunës paralele, nuk kontribuon në përmirësimin e raporteve etnike e pajtimit fqinjësor mes shqiptarëve e serbëve në Veriun e Mitorvicës, por vetëm e tensionon situatën.
Në të njëjtën kohë organet në krye me Spiriqin po ndërtojnë ndërtesa shumëkatëshe ku asnjëherë nuk kanë qenë serbët prezent në ato pjesë, ndërsa po heshtin përballë sulmit të organizuar që serbët e atjeshëm lënduan një qytetar shqiptar dhe bllokuan ndërtimet e shtëpive shqiptare, përderisa organet e rendit ishin atje, ku ju bëjmë thirrje këtyre organeve të vendit në përputhje me mandatin e tyre të sigurojnë jetën dhe pronën e qytetarëve me paanësi politike dhe etnike.
Ky kryetar së bashku me nënkryetarin e tij duhen urgjentisht të dalin dhe publikisht t’i ftojnë shqiptarët që të kthehen në shtëpitë e tyre dhe në të njëjtën kohë t’ia përcjellin mesazhin qytetarëve serb që të ardhmen dhe jetën e tyre duhet ta ndërtojnë së bashku me fqinjët e tyre shqiptarë, të cilët u dëbuan dhunshëm gjatë vitit 1999.
Pra, ne e dënojmë fuqishëm sulmin mbi qytetarët shqiptar të cilët tash e 15 vite jetojnë si refugjatë, dhe me të drejtë kërkojnë të kthehen në pronat e tyre. Poashtu i bëjmë apel institucioneve qendrore dhe faktorit ndërkombëtar që të ndërhyjë dhe të mundësoj ndërtimin e shtëpive të shqiptarëve në atë pjesë. Zv.KK. Emir Azemi, Mitrovica-Veri.
