Probleme janë shpërfaqur në autostradën e kombit. Ndriçimi nuk po funksionon, pasi dikush i ka vjedhur telat e rrymës.
Në kompaninë Bechtel – Enka, e cila ka ndërtuar autostradën, thonë se rikthimi i ndriçimit nuk është punë e tyre.
“Ne e kemi përfunduar autostradën, e kemi ndriçuar autostradën, dhe ajo ka qenë e ndriçuar për një kohë, derisa u vjedh. Nuk jemi ne përgjegjës për çfarë vidhet në Kosovë”, ka thënë për Klan Kosova, zëdhënësja e Bechtel – Enka.
Ndërsa, rregullimin pritet ta bëjë Ministria e Infrastrukturës.
“Ne kemi plane ta rregullojmë ndriçimin dhe mjetet janë të siguruara në emër të mirëmbajtjes verore, dhe këtë do ta bëjmë brenda një kohe shumë të shpejtë”, kanë thënë në Ministrinë e Infrastrukturës.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
