Arrestimet spektakulare të zyrtarëve të ndryshëm shtetnorë, e sidomos atyne të sistemit të drejtësisë shihen ma shumë si dështime të sistemit të drejtësisë, se sa si punë në luftën e krimit dhe korrupsionit në vend.
Njohës të cashtjeve të drejtësisë dhe përfaqësues të organizatave joqeveritare thonë se raste të tilla të arrestimeve ndikojnë në uljen e besimit te këto institucione, mbasi deri tash, ma shumë janë ndjekë emnat dhe agjendat e ndryshme, se sa kryesit e veprave penale.
Avokati Tomë Gashi thotë se arrestimi i kryetarit të Gjykatës së Apelit Sali Mekaj, por edhe arrestime të tjera, tregojnë në nji farë mënyre korrupsionin mbrenda sistemit të drejtësisë.
Gashi shton se edhe lirimi i shumicës së tyne si të pafajshëm, tregon dështimin e këtij sistemi për me sigurue prova:
Edhe Betim Musliu nga Instituti i Kosovës për Drejtësi, tu’ mos paragjykue për rastin konkret të kryetarit të Apelit, thotë se deri tash asht dëshmu se sitemi i drejtësisë në Kosovë ma shumë ka ba bujë mediale, se sa drejtësi. Simbas tij arrestimi dhe ngritja e aktakuzave tek shumica e zyrtarëve të naltë kanë përfundue me shpallje të pafashjëm për secilin prej këtyne individëve, për të cilët asht ba shumë bujë mediale.
Por avokati Gashi hedhë dyshime se akuzat ndaj Mekajt mund të jetë edhe grackë që ndërlidhen me vendimin e tij si kryetati i Gjykatës së Apelit, për ndryshimin e kolegjit gjyqësor në rastin “Kleçka”.
I pari i Gjykatës së Apelit Sali Mekaj nuk asht zyrtari i parë i naltë i sistemit të drejtësisë në Kosovë që asht arretue dhe akuzue për vepra korruptive. Ish- shefi i task Forcës Anti-Korrupsion dhe prokurori special Nazmi Mustafi, ish- kryetari i Gjykatës Komunale të Prishtinës Nuhi Uka, ish- gjyqtari i Gjykatës së Qarkut në Prishtinë Elez Hoxha, e disa gjykatës të tjerë janë arrestue dhe gjykue për vepra të ndryshme korruptive, dhe po vuajnë dënimet në burgje.
