Ankesat e banorëve pezulluan aksionin e inspektorëve

E publikuar: 19/03/2015 11:17
Rreshtat+- AShkronjat+- Printo

Rinisja e aksionit për rrënimin e tejkalimeve të bëra në ballkonet e ndërtesave kolektive në lagjen “Ortakoll” të Prizrenit, si duket është shtyrë deri në përfundim të procesit të legalizimit të ndërtimeve të paligjshme, pasi Ministria e Mjedisit dhe Planifikimit Hapësinor (MMPH) i ka rekomanduar komunës që të presë në ndërmarrjen e masave ndaj 34 ankesave të parashtruara nga banorët.

Diku janë vënë xhama, diku tulla apo hekura, e diku tjetër cerada. Secili është përpjekur në formën e tij ta rrisë apo ta modifikojë hapësirën e ballkoneve në ndërtesat kolektive, që ndodhen në lagjen më të urbanizuar “Ortakoll” të Prizrenit.

Veprimet e tilla i kanë dhënë pamje tjetër objekteve dhe lagjes, banorët e të cilës “krenohen” kur flasin për pjesën në të cilën jetojnë.