Nga Shenoll Muharremi
Sa e lexova fjalimin e gjatë të Albin Kurtit në Këshillin e Përgjithshëm të LVV. Fjalimi ka rreth 31,053 karaktere dhe rreth 5,164 fjalë. 45 minuta i gjatë është. As edhe një fjalë të vetme nuk e ka për krizën e energjisë. Asnjë zë për faturat e larta. Asnjë për rritjen e çmimit të rrymës që për herë të tretë shkon deri në +128% për tarifën e lartë, gjatë qeverisjes së tij.
Asnjë fjalë për bizneset tona që u përzunë nga rrjeti dhe tash po ju kërkohet deri në 260% kosto më e lartë për faturën e energjisë, nga të njëjtët operatorë, me rrymë që prodhohet nga resurset publike, falas.
Çështja e energjisë, ndër më kritiket për qytetarët dhe ekonominë, sfidat më të mëdha të vendit dhe ekonomisë nuk u përmend fare. Kjo krizë e qila po shkakton një valë të re të inflaconit dhe që ishte plotësisht e parandaluar, nuk u adresua dhe nuk është aspak shqetësim për ish kryeministrin, tani në detyrë.
Në një fjalim kaq të gjatë për strategji dhe drejtim të shtetit, me zero përmendje për energjinë, kjo ose është shmangie me vetëdije, ose neglizhencë politike. Çkadoqoftë, është e pafalshme. Mos të harrojmë që Albin Kurti nuk e ka folë ende asnjë fjalë për krizën e energjisë dhe të faturave edhe pse është tema dhe shqetësimi kryesor në vend. As nuk e ka paranaluar me ndonjë veprim. E tash gjatë fjalimit tepër të gjatë krizën e energjisë e zhdukën edhe nga fjalimi, por jo nga faturat dhe barra e qytetarëve dhe bizneseve!
