Kryetari i Komunës së Prishtinës, Shpend Ahmeti, i pyetur për deklaratat e bashkëpartiakut të tij Ilir Deda, Ahmeti ka thënë se kur je pjesë e një grupacioni, nuk mund të flasësh në emër personal.
“VV-ja ka Këshillin e Përgjithshëm dhe Kryesinë. Në momentin kur jam pjesë e një grupacioni nuk mund të flas vetëm në emrin e tij. Për shembull në kandidimin tim kanë punuar shumë njerëz dhe nuk është në rregull që të flas vetëm në emrin tim. Ky është diskurs. Ajo që ka thënë z. Deda i bie që nuk është program i Lëvizjes Vetëvendosje”, ka thënë Ahmeti.
Për gjendjen politike ai tha se gjendja në Kosovë është anormale, si në Kuvend ashtu edhe në Qeveri.
“Mendoj që duhet të diskutohet se sa investime të huaja janë bërë në Kosovë; sa ka shpenzuar qeveria në Neë York”, ka thënë Ahmeti në RTV21.
Ahmeti ka refuzuar që të flasë për veprimet e deputetëve të opozitës, duke thënë se më me rendësi është të diskutohet për pozitën sesa për opozitën.
