Agjencia Kundër Korrupsionit (AKK), institucion ky i cili ka për mision të luftimin e korrupsionit, deri më tani ka përcjell në prokuroritë kompetente më shumë se 600 kallëzime penale dhe ka atakuar më shumë se 1300 zyrtarë të institucioneve të vendit, raporton Indeksonline.
Drejtori i Agjencisë Kundër Korrupsionit, Hasan Preteni ka thënë në një prononcim për Indeksonline se AKK tashmë është në fazën finale të përgatitjes së Raportit për vitin 2015.
“Në prokuroritë kompetente kemi përcjellë me shume se 600 Kallëzime Penale dhe i kemi ‘atakuar’ me shume se 1300 zyrtare te gjitha niveleve dhe te shume institucioneve. Informatat kthyese qe i kemi nga Prokuroritë flasin qe vetëm rreth 30 për qind janë të refuzuar si të pabaza, kemi hetime penale, ngritje aktakuzash kemi edhe aktgjykime ( te gjitha janë në Raportin e Punës)”, ka thënë Preteni.
Sipas tij, AKK e ka realizuar misionin e vet ne tërësi, dhe se baza ligjore është ajo që e cakton mandatin e Agjencisë.
“Jemi të vetëdijshëm se luftës kundër Korrupsionit në Kosovë po i mungojnë shifrat por kjo nuk është pjese e përgjegjësisë se Agjencisë. Puna e Agjencisë duhet të analizohet në bazë të misionit ligjor që e ka. Agjencia nuk ngrit Aktakuza, nuk burgos dhe as nuk dënon. Agjencia kryen hetime preliminare dhe ngrit Kallëzime Penale, ky është misioni te pjesa e luftimit, te parandalimi: përgjegjës jemi për fushën e Deklarimit te Pasurisë, Parandalimit te Konfliktit te Interesit dhe Parandalimit të korrupsionit në fushën e Prokurimit Publik”, ka theksuar Preteni.
Ai ka thënë se deklarimi i Pasurisë gjithmonë realizohet më shumë se 95 për qind, dhe se AKK i administron më shumë se 25 mijë formularë dhe i ka kontrolluar më shumë se 8000.
“Te konflikti i interesit i parandalojmë për çdo vit rreth 200 raste të tilla, te parandalimi i korrupsionit në fushën e prokurimit publik, ofrojmë opinione parandaluese dhe si rezultat i këtij aktiviteti deri në fund të vitit 2014 buxhetit të vendit ja kemi ‘kursyer’ më shumë se 60 milionë”, ka thënë tutje Preteni.
Sipas tij, AKK e cila e ka mision edukimit, ka vizituar të gjitha komunat e Kosovës ku është takuar me shumë zyrtarë të lartë dhe qytetarë, nga të cilët është informuar për legjislacionin antikorrupsion.
I pyetur se si qëndron raporti me Prokurorinë, Preteni ka thënë se bashkëpunimi me prokuroritë ka shënuar një progres.
“Secili nga zyrtaret që nuk e deklaron pasurinë në afatin ligjor, Agjencia do të ushtron Kallëzim Penal, emrat e tyre gjithashtu do te publikohen ne ueb faqen e Agjencisë”, ka shtuar Preteni./Indeksonline/
