Ademi për “Dardanët”: Këta luanë përkrahën Kosovën deri në fund, nuk ranë pre e provokimeve

E publikuar: 13/06/2022 00:34
Rreshtat+- AShkronjat+- Printo

Kombëtarja e Kosovës ka pësuar humbje të hidhur sonte në Volos të Greqisë.

“Dardanët” u mposhtën 2:0 ndaj Greqisë në Volos, duke humbur edhe matematikisht gjasat për vendin e parë.

Pas ndeshjes, kryetari i FFK-së, Agim Ademi publikoi foto me tifozët dardanë që ishin prezent në stadium.

“Edhe pas ndeshjes bashkë me Dardanët.Ishin këta luana dardanë që brohoritën dhe përkrahën futbollistët tanë deri në minutat e fundit përkundër humbjes dhe nuk ranë pre e provokimeve të shumta nga tifozët vendas. Bravo djema jeni më të mirët!Bashkë për futbollin deri në fund. Sukseset pashmangshëm do të vijnë!”, shkroi Ademi.