Kryetari i Lidhjes Demokratike të Kosovës, Lumir Abdixhiku ka thënë se Kosova ka nevojë për më shumë investime.
Në emisionin Debat Plus në RTV Dukagjini, ai tha se programi politik i LDK-së “Rruga e Re”, ka plane konkrete për investime në të gjitha fushat.
“Kosova ka nevojë për investime, investime kapitale që me këtë qeverisje për katër vjet kanë munguar”, tha Abdixhiku.
Sipas tij, me logjikën e ruajtjes ose mbledhjen e parasë, Kosovës i duhen 100 vjet për të përfunduar infrastrukturën.
“Me 12 miliardë euro buxhet, për 4 vjet, asnjë investim ose projekt që mbahet mend”, tha Abdixhiku.
