Kryetari i Lidhjes Demokratike të Kosovës (LDK), Lumir Abdixhiku, ka arritur në Kuvendin e Kosovës për takimin e paralajmëruar me kryetarin e Lëvizjes Vetëvendosje dhe kryeministrin në detyrë, Albin Kurti.
Abdixhiku ka mbërritur së bashku me ish-presidenten e Kosovës, Vjosa Osmani dhe nënkryetarin e LDK-së, Lutfi Haziri, ndërsa takimi pritet të nisë në orën 18:00.
Takimi mes Kurtit dhe Abdixhikut vjen pas ftesës së kryeministrit në detyrë drejtuar partive opozitare për diskutime lidhur me zhvillimet politike dhe konstituimin e institucioneve të reja.
Pas takimit pritet që palët të deklarohen për media./EO
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
