Qeveria e Kosovës nuk e ka në rend të ditës projektligjin për Gjykatës Speciale as në mbledhjen e rregullt që është duke u mbajtur sot, transmeton Gazeta Tribuna.
Në rend të ditës janë shumë propozime, ndër të cila është edhe propozimi i ministrit të Financave, Avdullah Hotit, i cili ka paraqitur para kabinetit qeveritar projektligjin për Sigurimet.
Hartimi i këtij projektligji sipas tij ka qenë i domosdoshëm. Hoti tha se kjo fushë deri tani është rregulluar me rregullore të UNMIK-ut.
Ai theksoi se projektligji nuk do të ketë ndikim shtese në buxjetin e Kosovës, përkundrazi ligji do ti sjellë te hyra shtesë buxhetit të Kosovës.
Ministri ka thënë se gjatë hartimit të projektligjit janë konsultuar edhe ligje dhe ekspert të fushës.
Ndërkaq, ministrja e Tregtisë dhe Industrisë, Hikmete Bajrami, ka paraqitur draft konceptin e dokumentit për themelimin e fondit kosovar për garanci kreditore.
Sipas saj, qeveria e Kosovës është zotuar në përmirësimin e ambientit të biznesit.
Bajrami ka thënë se fondi kosovar për garanci kreditore duhet të themelohet sa me shpejtë në të kundërtën çdo vonesë sipas saj i bie se Kosova do të humbë donacione.
Këtij fondi i ka dhënë mbështetje edhe Isa Mustafa. Ai ka thënë se është zotim i partive të koalicionit për hartimin e një fondi të tillë. Kreu i Qeverisë ka shtuar se duhet sa me shpejtë miratimi i këtij fondi..Gazeta Tribuna/
