Reali i Madridit prezanton fanellat e sezonit të ardhshëm. Me një foto të publikuar në faqen e tyre në rrjetin social Twitter, Los Blancos zbuluan fanellën e parë që do të mbajnë veshur futbollistët e Realit në të gjitha kompeticionet ku do të marrin pjesë gjatë sezonit futbollistik 2015-2016. Përbën lajmi fakti që në qëndër të kopertinës ku prezantohen fanellat e reja qëndron portieri Iker Casillias i cili është përfolur shpesh për një largim të mundshëm nga klubi merengues.

Me këtë veprim drejtuesit e Los Blancos i kanë shprehur edhe njëherë tjetër besimin kapitenit të tyre dhe me shumë gjasa e ardhmja e Casillias do të vazhdojë të jetë te Reali. Lojtarët e tjerë në foton kopertinë janë Cristiano Ronaldo, Sergio Ramos, Karim Benzema dhe Marcelo. Markentingu është një fushë shumë e rëndësishme për një klub të madh si Reali i Madridit dhe fanellat e reja janë stiluar deri në detaje nga sponsori Adidas. Në postimin në Twitter klubi 10-herë kampion Europe shkruan. Këto janë fanellat e reja të Realit të Madridit për sezonin 2015-2016. Limiti i vetëm për ne është perfeksioni, dimë të bëjmë gjithmonë diferencën.

Shumë klasike konsiderohet fanella e parë e Realit e gjitha e bardhë si tradicionalisht, ndërkohë që fanella e dytë është një surprizë e vërtetë. E gjitha në ngjyrën gri fanella e dytë mund të përkufizohet si “Krenaria e Argjendtë”, pasi është ideuar për të kujtuar të gjithë trofetë që ka fituar Reali i Madridit në gjithë historinë e tij./ss/