Silvio Berlusconi ka dhënë konfirmimin për trajnerin e ri të klubit.
Presidenti i Milanit, Silvio Berlusconi, ka dhënë një lajm të rëndësishëm për të ardhmen e klubit “rossonero”.
Berlusconi deklaroi se trajner i ri i Milanit do të jetë Carlo Ancelotti, gjithnjë nëse vërtetohen shkrimet e mediave spanjolle që italiani do të shkarkohet sot pas sfidës ndaj Getafes.
“Unë nuk jam shumë për rikthime, në të kaluarën kemi bërë dhe nuk kemi pasur sukses”, u shpreh Berlusconi për NapoliTV.
“Por, unë jam i lidhur ngushtë me Carletton përmes një miqësie personale. Unë mendoj se ky do të ishte një rikthim pozitiv. Nëse Reali e liron atë, ai do të kthehet te Milani”, shtoi presidenti Berlusconi.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
