Manuel Neuer është nderuar me çmimin “Sportisti i Vitit”, një trofe që dorëzohet pas votimit që bëjnë anëtarët e shoqatës europiane dhe asaj botëtore. Një vlerësim i madh ky për gardianin kampion Bote pasi ky çmim jepet për herë të tretë për një futbollist. Fillimisht në vitin 1984 u nderua sulmuesi francez, Michel Platini dhe në vitin 1990 Lothar Mathaus. Gjatë ceremoniës së dorëzimit të çmimit, Neuer falënderoi gazetarët që votuan për të por edhe shokët e skuadrës së Bayernit të Mynihut dhe ata të Kombëtares së Gjermanisë.
Sipas numrit 1, këtë çmim nuk do të kishte arritur ta fitonte pa ndihmën e lojtarëve të tjerë në klub dhe kombëtare. Gjatë dy viteve të fundit, çmimi “Sportisti i Vitit” ka shkuar për sportin e tenisit me Roger Federer dhe Novak Djokovic të cilët morën numrin më të madh të votave për arritjet e tyre në këtë sport. Ky është çmimi i parë individual që merr Manuel Neuer pas renditjes së tij në vendin e tretë në garën për “Topin e Artë 2015″ që u fitua nga Cristiano Ronaldo./ss/
