Nesër protestë në Jarinje, QKMK paralajmëron për bllokimin e një pjese të autostradës drejt Kosovës
Qendra Kombëtare për Menaxhim Kufitar ka njoftuar se nesër pritet të mbahet një protestë në Jarinje dhe se do të bllokohet një pjesë e autostradës në territorin e Serbisë.
Sipas njoftimit, protesta pritet të mbahet nga ora 12:00 deri në orën 18:00.
“Ju njoftojmë, se sipas burimeve të hapura dhe ende të paverifikuara, nesër më datë, 21.04.2026, pritet të mbahet një protestë në Jarinjë dhe bllokim i një pjese të autostradës drejt RKS-së në territorin e Serbisë nga ora 12:00 deri në ora 18:00. Për çdo zhvillim të mëtejmë do t’u njoftojmë me kohë”, thuhet në njoftim.
“Për informata shtesë ju lutem kontaktoni📞QKMK, në numrat e mëposhtëm: +38345198000, +38345198606 dhe në numrin pa pagesë 080050095”, përfundon njoftimi.
