Një në gjashtë punëtorë në punë është aq i lodhur sa që të paktën një herë në javë e zë gjumi në tavolinë, sipas një sondazhi.
Hulumtimi u krye nga kompania “Virgin Pulse”, dhe në të morën pjesë 1.140 punëtorë anembanë Shteteve të Bashkuara.
Rezultatet treguan se 76 për qind e punëtorëve ndiheshin të lodhur pothuajse çdo ditë të javës, ndërsa 30 për qind ishin të pakënaqur ose shumë të pakënaqur me cilësinë dhe sasinë e gjumit.
Rezultatet po ashtu treguan se këta punëtorë besojnë se problemi kryesor që ata e kanë një gjumë të keq është temperatura në dhomat e tyre të gjumit. Madje 85 për qind e tyre e deklaroi këtë, transmeton Koha.net. Edhe një tjetër arsye e gjumit të keq është fakti që partneri i tyre i pengon që të flenë mirë, ndërsa 69 për qind shtoi edhe atë se nuk mund të flenë për shkak të zhurmës. Një numër i madh i tyre si problem e cekin faktin që dhoma e tyre ka shumë ndriçim, ndërsa një përqindje e konsiderueshme janë edhe ata që nuk mund të flenë sa duhet për shkak të dyshekëve të këqij.
Të gjitha këto probleme me gjumë ndikojnë në mënyrë të konsiderueshme në aftësinë për t’i kryer detyrat në punë.
“Punonjësit që nuk flenë mirë kanë koncentrim të keq, aftësitë e tyre në vendimmarrje janë shumë më të dobëta, ata janë shumë më pak të aftë për t’u përballur me stresin…”, deklaroi dr. Jennifer Turgiss, bashkautore e studimit.
