Sulmuesi i Juventusit, Carlos Tevez ka thënë se bashkëkombësi i tij, Lionel Messi është “futbollit nga një tjetër planet”, por mezi pret të ndeshet me Barcelonën në finalen e Ligës së Kampionëve.
Bianconerët u kualifikuan në finale pas fitores ndaj Real Madridit me rezultat të përgjithshëm 3:2.
Messi i ndihmoi Barcelonës të eliminojë Bayern Munichun dhe Tevez pranon se 27-vjeçari mund të bëjë “gjëra të çmendura”.
“Messi është më i miri në botë, edhe në gjysmëfinale ai bëri gjëra të çmendura. Është futbollist nga një tjetër planet. Kurrë nuk kam pasur probleme me të”, u shpreh ai.
“Tani do të shkojmë në Berlin për një sfidë të madhe kundër Barcelonës”, theksoi argjentinasi.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
