Partia Demokratike e Kosovës (PDK), Lidhja Demokratike e Kosovës (LDK), Aleanca për Ardhmërinë e Kosovës (AAK), dhe Nisma Socialdemokrate do të marrin pjesë në takimin e thirrur nga Presidentja e Kosovës, Vjosa Osmani, meqenëse as mandatari i dytë i propozuar nga Lëvizja Vetëvendosje, Glauk Konjufca nuk arriti t’i marrë votat e mjaftueshme për ta bërë Qeverinë e re.

Takimi do të mbahet sot, me fillim nga ora 10:30.

Deputetja e PDK-së, Blerta Deliu e ka konfirmuar se partia ku bën pjesë ajo do të marrin pjesë në këtë takim.

Deputeti i LDK-së, Besian Mustafa e ka konfirmuar pjesëmarrjen për partinë që ai përfaqëson.

Se kryetari i AAK-së, Ramush Haradinaj do të shkojë në takim, e ka konfirmuar Kushtrim Xhemaili.

Poashtu, deputetja e Nisma Socialdemokrate, Xhevahire Izmaku tha se ftesës së Presidentes do t’i përgjigjen pozitivisht.