Nevojitet një Juve e madhe për të eliminuar Realin e Madridit, është ky mendimi i trajnerit të bardhezinjëve Massimiliano Allegri kur na ndajnë vetëm pak ditë nga gjysëmfinalja e kthimit në Champions League mes Los Blancos dhe Juventusit. Pavaërsisht gjithckaje trajneri livornez ka besim se do të jenë pikërisht bardhezinjtë ata që do të kualfikohen në finalen e madhe të Berlinit.
“Në Madrid duhet të jemi shumë energjik dhe të luajmë një ndeshje të shkëlqyer nga ana teknike. Jemi vetëm 95 minuta larg ëndrrës. Shpersoj të kemi fatin në anën tonë edhe pse në radhë të parë duhet të zhvillojmë një ndeshje shumë të mirë. Për tu kualfikuar në finalen e Berlinit duhet zbresë në fushë një Juve e madhe”.
Ndaj Cagliarit, Juventusit iu rikthye një lojtar shumë i rëndësishëm si Paul Pogba që realizoi edhe golin e vetëm të bardhezinjëve. Allegri e pranon se francezi është një vlerë e shtuar për skuadrën në këtë fazë të sezonit edhe pse në Bernabeu Pogba mund ta nisë nga stoli.
“Rikthimi i Pogba-së ka qenë shumë pozitiv, ndaj Cagliarit ai zhvilloi një ndeshje të mirë. Fakti që do ta kemi në dispozicion të Mërkurën është dicka shumë e rëndësishme. Për formacionin nuk kam vendosur ende. A do të luajë Pogba? Do ta vlerësojmë gjëndjen e tij dhe më pas do të vendosim. Por nuk duhet të harrojmë që ndeshja mund edhe të shkojë në kohën shtesë dhe për ne do të ishte dicka pozitive të kishin në stol një lojtar me teknikën e tij”.
Në fund edhe kapitulli merkato. Cavani dhe Dybala janë gjithnjë e më pranë Juventusit, por Allegri nuk zhbalancohet kur pyetet për një temë të tillë.
“Cavani? Më mirë pyesni drejtuesit për një cështje të tillë? Unë sa më shumë lojtarë cilësorë të kem në dispozicion aq më shumë i kënaqur jam”.
