Pep Guardiola ka mbajtur konferencën për gazetarë një ditë para ndeshjes së Ligës së Kampionëve, ku Bayern Munchen në Camp Nou, luan me Barcelonën.
Për Guardiolan që ka një të kaluar të jashtëzakonshme në Camp Nou, është emocionues rikthimi, por tani i duhet ta mposht ish skuadrën.
“Çfarë të them për Barcelonën. Është e mrekullueshme që jam përsëri këtu. Unë kam shumë kujtime. Natyrisht se kjo është e veçantë për mua, sepse unë kam qenë në këtë klub për shumë vite. Tani unë jam me Bayernin, dhe këtu jam për ndeshjen e nesërme. Kjo është puna ime, dhe më duhet ta bëjë më të mirën”, deklaroi Guardiola.
Guardiola foli edhe për Messin, të cilin e konsideron të pandalshëm.
“Nëse Messi është në top-formë, asnjë mbrojtje nuk mund ta ndalë atë. Nuk ka sistem që e ndal Messin, ai është shumë i mirë”, ka thënë Guardiola.
