Prokuroria Speciale e Kosovës, të hënën ka ngritur aktakuzë në Gjykatën Themelore në Prishtinë ndaj një personi për veprën penale “Krim i luftës kundër popullsisë civile.
Sipas aktakuzës, i pandehuri V.N, veprimet penale i ka kryer gjatë periudhës 1998-1999 në qytetin e Suharekës.
“ I pandehuri, duke vepruar në bashkëkryerje me pjesëtarë të tjerë të forcave policore dhe ushtarake serbe, ka shkelur rregullat e së drejtës ndërkombëtare, duke kryer vrasjen e dy viktimave M.A dhe SH.A, si dhe plagosjen e të dëmtuarit SH.S.”, thuhet në njoftim.
Prokuroria Speciale i ka propozuar Gjykatës që të mbaj gjykimin në mungesë për shkak se i pandehuri V.N është i pa arritshëm për organet e drejtësisë.
“Kjo çështje penale tashmë i ka kaluar në kompetencë Departamentit Special të Gjykatës Themelore në Prishtinë”, theksohet në njoftim.
