Kryetari i Kuvendit të Kosovës, Glauk Konjufca ka pritur në takim lamtumirës ambasadorin e Shteteve të Bashkuara në Kosovë, Jeffrey Hovenier.
Kryeparlamentari e ka falënderuar Hovenierin për “angazhimin përgjatë mandatit të tij në Kosovë, ku ka dhënë kontributin e tij shumë të rëndësishme në rritjen e bashkëpunimit mes Shteteve të Bashkuara të Amerikës dhe Republikës së Kosovës”.
Poashtu, Konjufca i ka theksuar Hovenierit se institucionet e Republikës së Kosovës do të vazhdojnë angazhimin për të forcuar gjithnjë e më shumë raportet me ShBA-në.
“Kryetari Konjufca nënvizoi se ashtu si gjatë mandatit të ambasadorit Jeffry Hovenier, institucionet tona shtetërore do të jenë plotësisht të angazhuara, me konsideratë dhe mirënjohje të thellë, për të forcuar gjithnjë e më shumë raportet me aleatin tonë më të madh, SHBA-në, që ka një kontribut dhe rol të pazëvendësueshëm në vendin tonë”, thuhet në njoftimin e Kuvendit të Kosovës.
“Kryetari Konjufca e përgëzoi ambasadorin Hovenier për punën e tij të mirë të deritanishme dhe i uroi atij suksese sa më të mëdha në angazhimet e tij ardhshme”, thuhet tutje në njoftim.
