Prokurori Petrit Kryeziu ka thyer rekord në rezultatin e intervistës për kryeprokuror të Prokurorisë Themelore në Prizren.
Ai ka grumbulluar gjithsej 97.6 pikë, ku rezultatet përfundimtare janë publikuar nga Këshilli Prokurorial i Kosovës, shkruan Insajderi.
Kryeziu është kandidati që ka marrë më së shumti pikë që prej themelimit të KPK’së.
Prokurori Kryeziu kishte çmontuar gjashtë fajdexhinj të fuqishëm në Prizren dhe Suharekë.
Raportimet për këtë çështje:
Kryeziu, vjen nga Prizreni.
I diplomuar në studimet pasdiplomike/ master në shkencat Penale, pranë Fakultetit Juridik në UP, viti 2012.
Më datë 22 janar 2018, është emëruar dhe dekretuar Prokuror i Shtetit në Prokurorinë Themelore në Prizren, me numër të Dekretit DP – 008 – 2018;
Nga data 14.06.2018 me vendimin e KPK Nr.263/2018 është emëruar Prokuror Përgjegjës për Media për Prokurorinë Themelore në Prizren, pozitë të cilën e ka ushtruar deri në emërimin e zëdhënësit të prokurorisë,- datë 10.04.2019;
Nga data 10.08.2020, është koordinator për sekuestrim dhe konfiskim të pasurisë së fituar në mënyrë të kundërligjshme,- për Prokurorinë Themelore të Prizrenit;
Nga data 01.01.2021, është emëruar Udhëheqës i Departamentit të Përgjithshëm në Prokurorinë Themelore në Prizren;
Me vendimin KPK/Nr.266/23 më datë 01.04.2023 është avancuar në Departamentin e Krimeve të Rënda.
Me vendimin e KPK-së të datës 27.08.2024 është emëruar U.D. i Kryeporokurorit të Prokurorisë Themelore në Prizren
