Duket se pakënaqësitë ndaj Presidentit të Serbisë, Aleksandër Vuçiq, janë rritur gjatë kohëve të fundit.
Sipas mediave vendase, studentët po vazhdojnë edhe sot protestat në Novi Sad duke shprehur pakënaqësitë e tyre me presidentin serb, Aleksandar Vuçiq.
Studentët kanë mbajtur heshtje në shenjë nderimi për viktimat e Stacionit Hekurudhor në Novi Sad. Por në vijim ka ndodhur një ngjarje e rëndë, ku një automjet ka përplasur disa studentë teksa protestonin.
Ngjarja ka ndodhur gjatë aksionit “Stop, Serbi”, në afërsi të tregut të Futoshkës. Pamjet i ka publikuar edhe nënkryetarja e partisë opozitare, “Liri dhe Drejtësi”, Marinika Tepiç, duke bërë të ditur identitetin e personit që drejtonte automjetin.
“Milan Todoroviç nga Novi Sadi është pronar i kësaj Porsche”, ka shkruar Tepiç në platformën e mediave sociale ‘X’.
Po ashtu disa prej protestuesve shihen duke u rrahur prej mbështetësve të Presidentit Vuçiq.
