Dy aksidente kanë ndodhur në autostradën “Ibrahim Rugova”, dalja e autostradës Veternik – Bresje 3.
Këtë e ka konfirmuar zëdhënësi i Policisë së Kosovës, Daut Hoxha.
Ai ka thënë se në këto dy aksidente janë përfshirë disa vetura, ku ka edhe disa të lënduar.
“Sonte ne orët e mbrëmjes është raportuar për një aksident trafiku në autostradën “Ibrahim Rugova” dalja e autostradës Veternik – Bresje 3. Policia e Kosovës, konkretisht njësitet kompetente policore kane dal ne vendin e aksidentit dhe jemi njoftuar se behet fjale për dy aksidente në të njëjtin lokacion dhe janë të përfshira disa automjete. Në ketë fazë raportohet për disa te lënduar dhe të njëjtit janë përcjell për trajtim mjekësor.”- ka thënë Hoxha për media.
