Në një akt nderimi dhe përkujtimi për një nga figurat emblematike të rezistencës së Kosovës, Shoqata e të Burgosurve Politikë të Kosovës organizoi një ceremoni të veçantë për të përkujtuar veprimtarin dhe patriotin Nazmi Llapashtica në 6-vjetorin e ndarjes së tij nga jeta.
“Shoqata e të Burgosurve Politikë të Kosovës përkujtoi veprimtarin dhe patriotin e shquar Nazmi Llapashtica, duke vendosur fotografinë e tij në amfiteatrin e shoqatës në nder të 6-vjetorit të vdekjes së tij. Llapashtica, një ish-i burgosur politik i viteve ‘80, mbetet një figurë simbol e rezistencës për liri, i cili nuk hoqi dorë nga veprimtaria e tij deri në çlirimin e Kosovës. Në këtë ceremoni, shokët dhe bashkëveprimtarët e tij ndanë kujtime dhe reflektuan mbi kontributin e tij të pashlyeshëm në kauzën kombëtare.”
