![](https://infosot.com/wp-content/uploads/2019/02/gjykata-themeore-ferizaj.jpg)
Gjykata Themelore në Ferizaj e ka aprovuar kërkesën e Prokurorisë Themelore në këtë qytet për caktimin e masës 40 ditë paraburgim ndaj të pandehurit B.K., i kërkuar nga Maqedonia e Veriut, në bazë të urdhër arrestit ndërkombëtar për shkak të veprave penale përgatitja e veprave terroriste dhe grabitje.
Ndaj tij është lëshuar urdhër-arrest ndërkombëtar nga Interpoli, me kërkesa të datave 2 prill 2005 dhe 9 maj 2008 të shtetit të Maqedonisë së Veriut.
I pandehuri B.K., dyshohet se veprat penale i ka kryer në shtetin e Maqedonisë së Veriut dhe i njëjti më 3 maj 2024 është ndaluar dhe arrestuar nga njësiti i NJRSH-së dhe njësiti i antidrogës në Ferizaj.
Me këtë rast palët njoftohen se ankesa kundër këtij aktvendimi nuk e shtyn ekzekutimin e tij.