![](https://infosot.com/wp-content/uploads/2017/08/Sadri-Ferati-5.jpg)
Sadri Ferati, ish-ministër i Administrimit dhe Pushtetit Lokal, ka thënë se vizita e sotme e kryeministrit të Kosovës, Albin Kurti në komunat veriore, mund të shihet si mesazh se edhe atje mund të normalizohet jeta.
“Mendoj që edhe në të kaluarën edhe sot vizita e kryeministrit mund të vlerësohet si një mesazh për sa varet nga institucionet e Kosovës edhe ajo pjesë edhe në atë pjesë mund të normalizohet jeta dhe mund të jetohet mirë”, u shpreh Ferati në Edicionin Special në Klan Kosova.
“Nuk është faji i institucioneve të Kosovës pse atje ndodhin tensione dhunë edhe veprime destruktive të Listës Serbe, ndikimit të Beogradit, kërcënime të qytetarëve atje, mesazhi atje për sa i përket institucioneve të Republikës së Kosovës edhe në atë pjesë mund të jetohet mirë”.