Paraqitjet e mira të mbrojtësit shqiptar, Shkodran Mustafi, me fanellën e Valencias në La Liga të Spanjës, ia kanë rritur atij vlerën në treg.
Vlera e Mustafit 22-vjeçar, sipas “transfermarkt.de”, është rritur në 15 milionë euro, transmeton Koha.net.
Mustafi, i cili me përfaqësuesen e Gjermanisë është shpallur kampion bote në kampionatin botëror të mbajtur vitin e kaluar në Brazil, u transferua te Valencia për tetë milionë euro nga skuadra e Sampdorias, që garon në kampionatin italian Serie A.
Me fanellën e Valencias, Mustafi ka shënuar katër gola dhe ka dhënë një asist në 25 paraqitje.
Me skuadrën e Valencias, Mustafi ka kontratë deri në qershor të vitit 2019.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
