Policia kanadeze thotë se dy të rritur dhe katër fëmijë të vegjël, më i vogli prej të cilëve ishte më pak se tre muajsh, kanë vdekur në një vrasje masive në atë që kryebashkiaku i Otavës e përshkroi si “një nga incidentet më tronditëse të dhunës”, në historinë e qytetit.
Një 19-vjeçar është në paraburgim dhe po ballafaqohet me gjashtë akuza për vrasje të shkallës së parë dhe një akuzë për tentativë vrasje, raporton theguardian.
Policia u thirr në një shtëpi në komunitetin Barrhaven, ku oficerët gjetën atë që shefi i policisë së Otavës Eric Stubbs e quajti “një skenë të tmerrshme. Viktimat ishin një familje e sapoardhur nga Sri Lanka”.
Një burrë 40-vjeçar, Amarakoonmubiayansela Ge Gamini Amarakoon, i cili kohët e fundit kishte ardhur në Kanada dhe jetonte në shtëpi, u gjet gjithashtu i vdekur në shtëpi.
“Ky ishte një akt i pakuptimtë dhune i kryer mbi njerëz thjesht të pafajshëm”, tha Stubbs.
Stubbs thotë se policia ende po përpiqet të përcaktojë marrëdhëniet midis të dyshuarit, Febrio De-Zoysa, dhe viktimave. De-Zoysa, i cili gjithashtu është nga Sri Lanka dhe ishte në Kanada duke studiuar, besohet se ka jetuar gjithashtu në shtëpi.
Ndryshe, zyrtarët e Sri Lankës janë në kontakt me anëtarët e familjes së tyre në Colombo.
