Mbrëmjen e sotme është regjistruar një aksident tragjik në Durrës. Në aksin rrugor “Sektor Rini-Shenavlash”, një automjet ka përplasur për vdekje një këmbësor.
Ngjarja ka ndodhur rreth orës 18:45.
Pas aksidentit, drejtuesi i mjetit ka humbur kontrollin dhe ka përfunduar në kanal.
Grupi hetimor ndodhet në vendngjarje dhe po punon për sqarimin e rrethanave të aksidentit.
Pas ndërhyrjes së autoriteteve është bërë e mundur nxjerrja e automjetit nga kanali, ndërsa në zonë është vendosur perimetri i sigurisë.
Njoftimi i policisë:
Durrës/Informacion paraprak
Rreth orës 18:45, në aksin rrugor “Sektor Rini-Shenavlash”, një automjet me drejtues shtetasin R. K., 31 vjeç, ka përplasur këmbësorin shtetasin Gj. D., rreth 52 vjeç, i cili si pasojë ka humbur jetën.
Grupi hetimor ndodhet në vendngjarje dhe po punon për sqarimin e rrethanave të aksidentit.
