Bukuroshja në episodin më të ri të shout të tyre televiziv ‘Keeping Up With The Kardashians’, ka zbuluar se përballet me vështirësi të mëdha për të mbetur shtatzënë
Pas takimit që kishte me mjekun, Kim Kardashain motrave të saj u rrëfen se për shkak të komplikimeve me mitrën, ajo duhet t’i nënshtrohet operacionit. Nuk është fshehtësi që Kim pas lindjes së vajzës North, dëshiro ende fëmijë dhe shumë herë këtë ia ka bërë me dije burrit të saj Kanye West. Por bukuroshja në episodin më të ri të shout të tyre televiziv ‘Keeping Up With The Kardashians’, ka zbuluar se përballet me vështirësi të mëdha për të mbetur shtatzënë. “Mjeku më ka dhënë skenarin më të keq të mundur. Më ka thënë se fëmijën tim ë ardhshëm, nëse arrij të mbes shtatzënë, do të jetë edhe i fundit, pasi placenta ka kaluar në mitër”, ka zbuluar ajo, duke shtuar se gjatë shtatzënisë së ardhshme, ajo mund të ketë gjakderdhje të vazhdueshme dhe në fund do të detyrohet të heq krejt mitrën. “Kur kam qenë shtatzënë me North-in, kam thënë se nuk ka para të mjaftueshme që mund ta shtyjnë të bëj diçka të ngjashme, ndërsa tani nuk do të dëshiroja asgjë më shumë se sa të mbes sërish shtatzënë”, ka përfunduar Kim. Ajo ka shtuar se pas bisedës së fundit me mjekun, ka filluar të brengoset për shëndetin e saj, sidomos pas asaj që i ka ndodhur Angelina Jolie.
Mjeku më ka dhënë skenarin më të keq të mundur. Më ka thënë se fëmijën tim ë ardhshëm, nëse arrij të mbes shtatzënë, do të jetë edhe i fundit, pasi placenta ka kaluar në mitër.
