Në pyetjen : ku qëndron sekreti që jeni aq e dashur, aq e mirëpritur për publikun shqiptarë ja ç’thotë këngëtarja jonë e madhe Aurela Gaçe, në një intervistë të mëhershme në revistën Kosovarja.
E vlen , së pakut,si porosi për këngëtarët e rinj.
Sekreti? Për këtë duhet të merrni në intervistë publikun ,sepse arsyen e dinë vetëm ata pse më duan . Unë besoj se nuk është zëri im parësor. Mendoj dhe besoj se është vërtetësia , tipi, karakteri që shfaq, humori, dhe mbi të gjitha besoj se është se publiku që e kupton kur ti nuk i do ,publiku e kupton nëse ti i trajton sikur ti je kush e ata nuk janë. Publikut nuk ja hedh dot.
Nëse ata e ndjejnë fodullëkun ta tregojnë vendin me të njëjtën monedhë. Kur ndjejnë se i do, edhe ata ta kthejnë po njësoj. Nëse një njëri më ndjek mua, më këndon këngët, blen një biletë të më shohë mua, unë e dua njësoj ,si atë me shkollë e atë pa shkollë, si atë nga qyteti edhe atë nga fshati, si nga jugu e nga veriu, sepse dashuria që ata tregojnë ndaj meje nuk ka gjuhë ose dialekt, nuk njeh moshë ,as qytet as fshat.
Unë po të mos kisha publik, për kë do të këndoja? E duke e ditur se i kam si të mos i dua e si të mos u shfaq këtë që jam pa dorëza? Besoj këtë e sheh publiku e prandaj reagon./Kosovarja/
