Ajnishahe Halimi ka reaguar pas vendimit të Komisionit Disiplinor të Lëvizjes Vetëvendosje për përjashtim e saj nga partia.
Ajo në një prononcim për “Zërin” ka thënë se nuk është aspak e befasuar me këtë vendim. Sipas saj, kësaj partie i duhen reforma, korrigjime, zgjedhje mbrenda saj si dhe më shume demokraci të brendshme.
“Ky është një ogur i keq për Lëvizjen Vetëvendosje, si një subjekt politik i ri tek e cila një pjesë e madhe e popullit i ka mbështetur shpresat për ndryshime pozitive. Fatkeqësisht , kryesia e saj,e cila ne fakt e ka zaptuar LVV , me sjelljet e saj despotike dhe veprimet e gabuara, i vret këto shpresa”, ka thënë ajo.
Kësisoj, sipas Halimit, kjo kryesi, me veprimet ndëshkuese që po ndërmerr karshi bashkëpunëtoreve dhe veprimtareve te dalluar vetëm pse kane shprehur mendim ndryshe , jep sinjale negative.
“Në qoft se vjen Vetëvendosja në pushtet, do te jetë e pameshirshme per kundershtaret e politike”, ka thënë ajo.
Ndryshe, në njoftimin e VV-së thuhet se Komisioni duke u mbështetur në dispozitat e Nenit 88, Paragrafi 10 të Statutit të Lëvizjes Vetëvendosje ka marr vendim që këtyre dy anëtarëve t’iu shqiptohet masa disiplinore nga Neni 88, Paragrafi 11, Pika: përjashtimi i plotë nga organet dhe anëtarësia e Lëvizjes Vetëvendosje. /Zëri/
