Kryetari i Komisionit për Punë të Jashtme, Enver Hoxhaj ka pritur sot në Prishtinë ambasadorin e Izraelit në Serbi, Yossef Levi.
Hoxhaj e ka njoftuar ambasadorin Levi për zhvillimet më të fundit politike të brendshme dhe ndërkombëtare të Kosovës sa i përket procesit të njohjeve e anëtarësimve ndërsa tema kryesore e bisedës është fokusuar në marrëdhëniet bilaterale.
“Kosova ka nevoj vazhdimisht për miq dhe shtete të fuqishme që e mbështesin në rrugën e saj të shtetndërtimit. Izraeli është një partner me shumë peshë për Kosovën dhe me ambasadorin Levi diskutuam si të intensifikojmë marrëdhëniet bilaterale me shtetet tona në të gjitha fushat. Kosova mund të përfitoj shumë nga përkrahja e Izraelit” ka thënë Hoxhaj.
Ambasadori Levi ka falendëruar ish ministrin Hoxhaj për takimin duke shprehur gatishmërinë për më shumë shkëmbime ndërmjet shteteve. Hoxhaj dhe Levi kanë folur edhe për vizitën e ish ministrit Hoxhaj në Izrael dhe nevojën për të ndihmuar më shumë vizita e bashkëpunime.
