Valon Behrami ka reaguar ashpër në një intervistë për mediat zvicerane.
Mesfushori kosovar, Valon Behrami, është munduar ta qetësojë situatën në skuadrën përfaqësuese zvicerane.
Sipas raportimeve të mediave helvetike, te Përfaqësuesja e Zvicrës kanë filluar pakënaqësitë me futbollistët emigratë si Behrami, Xherdan Shaqiri e Granit Xhaka.
Valoni ka hedhur poshtë këto pohime të mediave, duke thënë se skuadra është e bashkuar.
“Nuk ka pakënaqësi në skuadër. Ne jemi një grup”, u shpreh Behrami, përcjell laliberte.ch, transmeton Gazeta Express.
“Unë falë resurseve të investuara nga Federata Zvicerane e Futbollit jam bërë lojtari që jam sot. Kjo vlen edhe për Xherdan Shaqirin. Ne duhet të ndalemi dhe mos të flasim më për ‘kosovaro-zviceran’ apo për ‘zviceran-zviceran’. Kjo nuk na dërgon askund. Ne jemi zviceranë që luajmë për Zvicrën”, shtoi tutje Valoni.
