Jakup Krasniqi i ka reaguar përsëri Ramiz Lladrovcit për debatin e fundit rreth bombardimeve të NATO-s më 1999.
Krasniqi ka thënë se për bombardimet e NATO-s e ka informuar Bardhyl Mahmuti, të cilin e ka njoftuar Lari Rosin.
ish kryetari i Kuvendit Krasniqi këtë reagim e ka shkruar në Facebook, duke iu përgjigjur përsëri Ramiz Lladrovcit.
Ky është reagimi i plotë i Krasniqit:
Unë lajmin për bombardimet e NATO-s e kam mësuar nga Bardhyl Mahmuti të cilin e ka njoftuar Lari Rosin (tani i ndjer)
Drejtori SD i SHBA-së për Evropën Juglindore në atë kohë. Për te cilin ruaj kujtime të mira. Nuk me kujtohet se atë lajm e kam nga ndonjë burim tjetër. Gjë që edhe mund të jetë e mundur.
Unë kam folur vetëm nga kush unë e kam marrë lajmin. Se nga kush e kam marrë lajmin nuk e dinë askush më mirë se unë. Se nga të tjerët e kanë marrë lajmin nuk e di. Unë e kam thënë të vërtetën time. Dhe nuk e di pse kjo duhet të bëhet lajm, siç e bëri Ramiz Lladrovci, tani pas 16 viteve, kur unë të njëjtën gjë e kam thënë edhe më herët.
Madje unë nuk kam folur as për pozicionin tim të asaj kohe, pasi publiku shqiptarë e dinë shumë mirë dhe nuk kam pasur asnjë arsyje e më bash asnjë arsyeja ta fshehi një të vërtetë se nuk e konsideroj ndonjë punë të madhe nga e mora atë lajm. I rëndësishëm ishte vetëm fillimi i bombardimeve të NATO-s dhe ketë po e bënin te tjerët dhe ishte më shumë se mirë./Indeksonline/