Këngëtarja e njohur Juliana Pasha ka shkruar në profilin e saj në “instagram” se kënga “Kuq e zi je ti”, e cila tashmë do të shoqërojë kombëtaren tonë të futbollit në çdo ndeshje, është kënduar më parë nga ajo dhe tenori Armaldo Gllogjeri. “Kuq e zi je ti” është kënga e publikuar së fundmi, sponsorizuar nga Digitalb dhe kënduar nga Flori Mumajesi e Elvana Gjata.
“Kopjacët në Shqipëri kanë filluar të kopjojnë edhe tekstet e këngëve së fundi, se nuk u mjafton që kopjojnë muzikë nga mëngjesi në darkë”. Kënga “Kuq e Zi” që u këndua nga unë dhe tenori Armaldo Gllogjeri për herë të parë në festat e nëntorit në Portokalli shoë. Kompozitor Edmond Rrapi, teksti Lejdi Shqiponja”
“Ky është vetëm refereni i këngës, por çudia më e madhe është se në Youtube kënga jonë u hodh me titull ´O flamur´, Unë mendova se e kanë bërë pa dashje ndaj kërkova që titulli të ndryshohej dhe të vihej titulli origjinal i këngës, pra, Kuq e Zi, por çudirat në Shqipëri nuk paskan të sosur.
Kjo është kënga që u kompozua për flamurin më të bukur në botë dhe Kuq E Zi”, shkruan Juliana Pasha teksa poston edhe videon me këngën e kënduar prej saj dhe tenorit Gllogjeri.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
