Ish-deputetja e AKR’së, Myzejene Selmani, ka treguar për Gazetën Express, se s’ka pasur kurrfarë konflikti fizik me ish-Ministrin Ismet Mulaj.
Ajo ka treguar se janë fjalosur dhe kanë debatuar për çështje partiake.
“Fjalosja me fjalë. Por s’jemi rrahur. Për njëfarë çështje partiake. Asgjë tjetër. S’ka pasur kurrfarë përleshjesh. Nëse do të kishte pasur diçka të tillë do të lajmëroja policinë”, ka thënë Selami, për Gazetën Express.
Edhe ish-Ministri i Tregtisë dhe Industrisë, Ismet Mulaj, ka thënë se vetëm ka pasur diskutime dhe kurrsesi përleshje fizike.
“As me dorë s’e kam prekë”, ka thënë Mulaj, për Express.
“Ky lajm i publikuar në disa media është në kuadër të luftës speciale për ripozicionim në AKR’, ka shtuar ai.
Sulmohet fizikisht Myzejene Selmani nga Ismet Mulaj
Dy ish-deputetët e AKR-së janë përleshur gjatë ditës së sotme në mes vete. Aty Myzejene Selmani ka pësuar dhunë fizike nga deputeti i kësaj partie Ismet Mulaj duke e kapur për fyti si dhe ka shenja si pasojë e përledhjes.
Burime të Indeksonline bëjnë të ditur se përleshja ka ardhur si pasojë e acarimit të situates ne mes të dy deputetev. Te njejta burime bejne te ditur se rasti është lajmëruar edhe në policinë e Kosovës dhe kjo e fundit tashmë është duke i zhvilluar hetimet lidhur em këtë rast.
