Ndaj Azem Vllasit ka reaguar edhe publicisti Uk Lushi. Ai e quan Vllasin si humbës në histori dhe sipas tij ai po mundohet ta dëmtoj veprën e shumë atyre që edhe pse brenda sistemit kanë vepruar në të mirë të shqiptarëve.
Lushi, po ashtu i quan joprofesionale mediat të cilat sipas tij po publikojnë deklaratat e Vllasit si analiza e që në fakt sipas tij janë propaganda dhe agjenda politike.
Lexoni të plotë postimin e Lushit në facebook:
Azem Vllasi, një ikone e linjës politike shtypëse në Jugosllavinë socialiste, është humbës në histori. Lehjet e tij në moshën e vonë ndoshta nuk i bëjnë dëm kauzës së drejtë të djemve dhe vajzave që ishin në vijat e para të frontit kundër tiranisë së Vllasit dhe shefave të tij në vitin 1981.
Angullimat e Azem Vllasit godasin me ligësinë më të madhe veprat e shumë shqiptarëve të mirë dhe punëtorë që kanë vepruar nga brenda sistemit duke kontribuar për popullin shqiptar me kryet nën shpatë.
Publikimi i gulçimeve të Vllasit nga medie të caktuara tregon që mjetet shqiptare të informimit ende nuk janë në nivelin profesional në të cilin propaganda dhe agjendat politike nuk pranohen të shiten si analizë dhe shprehje e lirë.
Në vend se të përjarget tash, Azem Vllasi ka mundur t’i vërtetojë tezat e tij pas demonstratave popullore kur ai dhe grupi i tij është dashur të thonë le t’i sqarojmë dilemat duke lejuar organizimin e referendumit mbi kërkesën e popullit se si e donte Kosovën.
Lexo më shumë në: http://www.gazetaexpress.com/lajme/uk-lushi-joprofesionale-mediat-qe-publikojne-si-analiza-propagandat-e-avllasit-87531/?utm_source=referral&utm_medium=web&utm_campaign=copyright
