Kryetari i Mitrovicës së veriut Goran Rakiq, ka kërkuar të premten nga Qeveria në Prishtinë dhe nga Agjencia Kosovare e Privatizimit (AKP), që urgjentisht ta ndalojë privatizimin e paralajmëruar të aseteve të NT “Lux”, duke paralajmëruar njëkohësisht se “Kosovska Mitrovica”, me të gjitha forcat që ka do ta pengojë privatizimin e aseteve të kësaj ndërmarrjeje”, duke e cilësuar atë “grabitje” e pronës së huaj.
Njëkohësisht, ai ka tërhequr vërejtjen se nëse ndodh ky privatizim do të prishet marrëveshja e koalicionit mes Listës “Srpska” dhe PDK-së e LDK-së, sepse, sipas tij, në marrëveshje janë dakorduar që të ndalohet me këtë lloj privatizimi.
Sipas Goran Rakiqit, AKP-ja, më 9 mars ka njoftuar Komunën dhe punëtorët e objekteve, të cilat dëshiron t’i privatizojë deri në fund të marsit dhe të shpallë tenderin për privatizimin e nëntë objekteve të “Lux”-it, me çka numri i objekteve të kësaj ndërmarrjeje shoqërore për privatizimin në 10 vjetët e fundit ka arritur në rreth 30./zeri/
