Komisioni për shqyrtimin e kandidatëve për gjyqtarë të Gjykatës Kushtetuese ka konstatuar se tetë kandidatët, që kanë konkurruar për këtë pozitë, i plotësojnë kushtet, prandaj ka marrë vendim që më 17 mars këta kandidatë t’i nënshtrohen testit me shkrim, ndërsa një ditë më vonë do ta kenë edhe intervistimin me gojë.
Kryesuesi i këtij Komisioni Kadri Veseli, në mbledhjen e së premtes ka thënë se ky do të jetë një proces transparent, pasi mediet dhe shoqëria civile do të mundë ta vëzhgojnë procesin deri në fund.
“Propozoj që më datën 17 mars, në orën 09:00, të mbahet testi me shkrim i kandidatëve për gjyqtarë në Gjykatën Kushtetuese. Kurse më datën 18 mars, në orën 09:00, të fillojmë me intervistimin me gojë të kandidatëve për gjyqtarë në Gjykatën Kushtetuese.
