Në kuadër të bombës së tetë të opozitës, u publikuan edhe bisedat e liderit të PDSH-së opozitare Menduh Thaçi me drejtorin e DSK-së Sasho Mijallkov, që kishte të bëjë me një votim në KSHZ-
Biseda telefonike:
Biseda 1- Menduh Thaçi-Sasho Mijallkov
S.M.: Menduh, çfarë bën?
M.Th.: Përshëndetje
S.M.: A të kam mirë?
M.Th.: Nuk të kërkoj be për asgjë mos u frikëso. Vetëm të të them se këtu jam nëse të duhet diçka, vetëm thuaj.
S.M.: Jo bre, ti mund të më kërkosh për çfarë të duash mua.
M.Th: Këtu jam nëse të duhet diçka trego, për gjithçka, deri në vdekje!
S.M.: OK, në rregull.
Biseda 2 – Menduh Thaçi-Sasho Mijallkov
S.M.: Menduh!
M.Th: Fol
S.M.: Çfarë bën?
M.Th.: Ja këtu rij me njerëz.
S.M.: Kam një urgjencë për ty.
M.Th. Po?
S.M.: Mund të votoni për ne tani për Strumicë? Të mos….
M.Th.: Në komision?
S.M.: Po, në KSHZ
M.Th.: Mundet, ja do të lajmërohem menjëherë.
S.M.: Ama duhet tani menjëherë të fillojë, për 5 minuta. Ne e shtymë pak.
M.TH.: Menjëherë, menjëherë lajmërohem për një minutë dhe të tregoj…
S.M.: Hajde!
Biseda 3 Menduh Thaçi-Bedredin Ibrahimi
M.Th.: Tash e keni Strumicën apo?
B.I.: Jemi duke diskutuar për atë.
M.Th.: Do të votosh për këta, për tu prishur.
B.I.: Për dy minuta
M.Th.: Do të votosh për tu prish, sepse jemi marrë vesh për Çairin.
Pro kreu i PDSH-së Thaçi tha sot se bëhet fjalë për material të montuar nga partia e Zaevit.
“Asgjë e pa pritur nga ana ime, një petardë e xhelatëve të shqiptarëve 60 apo 70 vjet siç është LSDM-ja dhe Zaevi. Një bisedë komplet e konstruktume dhe e montuar, kjo s’më bën aspak përshtypje vetëm se t’u them shqiptarëve se beteja politike me xhelatët e shqiptarëve do të vazhdojë deri në vdekje. Vota e PDSH-së për ta prishur Strumicën në Komision Shtetëror ka qenë publike dhe e hapur, po ashtu publike ka qenë edhe vota e VMRO-së për ta prishur, Çairin dhe për ta shpall falsifikimin e zgjedhjeve”, deklaroi Menduh Thaç. Kryetar i PDSH-së.
Analisti Ramadan Ramadani vlerëson se me këtë bisedë, dëshmohet nënshtrim i plotë i Thaçit para Mijallkovit
“Po mendoj që nuk ka gjë për të shtuar në atë që opinion pati rastin ta ndëgjoj mbrëmë. Kjo është vetëm një përfundim i një sagës e cila ka filluar diku nëpër Krivenik dhe që mbaron me një bisedë telefonike. Tani biseda dhe vëmendja e opinionit duhet të përqendrohet në krejt legjitimitetet tjera që fillojnë prej legjitimiteteve partiake deri te ajo e deputetit, sa meriton në njësinë numër 6, Tetova e tjera, të përfaqësohen nga njerëz të nënshtruar kështu totalisht, psikologjikisht që pa kurrfarë nevoje dhe pa kurrfarë relacioni i lajmërohen bossit të vet për të shprehur dashuri”, u shpreh Ramadan Ramadani, analist.
Ndërkohë lideri i LSDM-së, Zoran Zaev ka thënë sot se posedon edhe materiale tjera me të cilat do të dëshmojë, siç u shpreh ai, tradhtitë e Menduh Thaçit ndaj anëtarësisë së PDSH-së dhe shqiptarëve në tërësi./alsat-m/
